Pearl Project loyiha tashkiloti xalqaro arxitektura byurosi Zaha Hadid Architects bilan hamkorlikda Toshkent shahrining yangi arxitektura va makoniy tuzilmasini shakllantirishga qaratilgan keng ko‘lamli shaharsozlik tashabbusi — Pearl Project master-rejasini ishlab chiqishga kirishdi. Shu bilan birga, Pearl Project devlopment kompaniyasi TOWERUP bilan hamkorlikda Amir Temur shohko‘chasida joylashadigan TOWERUP bosh ofisi konsepsiyasini ishlab chiqish bo‘yicha Zaha Hadid Architects bilan hamkorlikni yo‘lga qo‘ydi. Bosh ofis loyihasi kompaniyaning arxitektura manifesti sifatida ko‘rilmoqda — innovatsiya va barqaror rivojlanish qadriyatlarini aks ettiruvchi, zamonaviy, ifodali hamda shahar kontekstiga puxta moslashtirilgan bino. Коммерческое предложение Zaha Hadid Architects по совместной разработке мастер-плана и ключевых архитектурных объектов в Ташкенте Pearl Project uchun ushbu tashabbuslar arxitekturaga bo‘lgan strategik yondashuvning mantiqiy davomi hisoblanadi. Mazkur yondashuv quyidagi tamoyillarga asoslanadi: Yaxlit shaharsozlik tafakkuri; masshtab va shahar dominantalari bilan ishlash; arxitektura, jamoat makonlari va muhandislik yechimlarini integratsiyalash; xalqaro arxitektura tajribasi bilan muloqot Zaha Hadid Architects bilan hamkorlik Pearl Project’ning xalqaro darajadagi arxitekturani yaratishga bo‘lgan intilishini hamda Toshkent shahrining kelajak qiyofasini belgilab berishga qodir uzoq muddatli shaharsozlik yo‘nalishlarini shakllantirishga bo‘lgan qat’iy pozitsiyasini tasdiqlaydi.
«Pearl Project» korporativ BIM texnologiyalari bo’yicha tayyorgarlik dasturining navbatdagi bosqichi muvaffaqiyatli yakunlandi.
«Pearl Project»da korporativ BIM (Building Information Modeling) texnologiyalari bo‘yicha tayyorgarlik dasturining navbatdagi bosqichi muvaffaqiyatli yakunlandi. Mazkur dastur kompaniyamizda raqamli loyihalash jarayonlarini tizimli rivojlantirish, xalqaro standartlarga mos ish metodologiyasini joriy etish hamda loyiha boshqaruvi samaradorligini oshirishga qaratilgan. O‘quv jarayonida BIM texnologiyalarining amaliy qo‘llanilishi, loyiha ma’lumotlarini yagona raqamli muhitda boshqarish, mutaxassislar o‘rtasida samarali koordinatsiya va muhandislik yechimlarini integratsiyalash masalalariga alohida e’tibor qaratildi. Tayyorgarlik dasturining ushbu bosqichi doirasida jamoamiz BIM jarayonlarini real loyiha misolida chuqur tahlil qilish, ish oqimlarini optimallashtirish hamda murakkab arxitektura va muhandislik vazifalarini raqamli model asosida hal etish bo‘yicha muhim amaliy ko‘nikmalarga ega bo‘ldi. Ushbu tashabbus Pearl Project’ning innovatsion texnologiyalarni joriy etish, jamoaning professional salohiyatini oshirish hamda zamonaviy arxitektura va shaharsozlik loyihalarini yuqori sifat darajasida amalga oshirishga qaratilgan strategik yondashuvining ajralmas qismi hisoblanadi. Korporativ BIM tayyorgarlik dasturining keyingi bosqichlarida biz kompleks loyihalash madaniyatini yanada mustahkamlash, xalqaro tajribani joriy etish hamda kompaniyamizda raqamli transformatsiyani izchil davom ettirishni rejalashtirmoqdamiz.
